Ապստամբները գրավեցին Դամասկոսը. Ասադի ռեժիմը տապալվեց

Իսրայելի 12-րդ հեռուստատեսության հաղորդման մեր թարգմանությունը

Ասադների ռեժիմի դարաշրջանի ավարտ. ապստամբ ուժերը արագորեն վերահսկում են մայրաքաղաք Դամասկոսը՝ առանց տեսանելի ռազմական դիմադրության և հազարավոր բնակիչների աջակցությամբ:

Իսրայելի պաշտպանության բանակը ոչնչացրեց քիմիական զենքի արտադրության լաբորատորիանները Սիրիայում և դիրքեր գրավեց ցանկապատից այն կողմ, Սիրիայի ներսում:

Թրքամետ պստամբները պետական ​​հեռուստատեսությամբ հայտարարեցին կառավարության տապալման մասին: Նրանք արդեն վերահսկում են մայրաքաղաք Դամասկոսը՝ առանց տեսանելի ռազմական դիմադրության:

Սիրիացի ապստամբները հայտարարեցին «նոր դարաշրջանի մասին Ասադի վարչակարգից 50 տարի անց» և հայտարարեցին, որ Սիրիան «ազատ է Ասադի իշխանությունից»։ Ապստամբները դիմել են միլիոնավոր սիրիացի ներգաղթյալներին ամբողջ աշխարհում և գրել. «Սիրիացի փախստականներին ամբողջ աշխարհում՝ ազատ Սիրիան սպասում է ձեզ»: Նրանք նաև հայտարարություն են տարածել պետական ​​հեռուստատեսությամբ. «Մենք ազատագրել ենք Դամասկոսը և հեռացրել Ասադին, բոլոր բանտարկյալներն ազատվել են բանտերից»:

https://www.mako.co.il/news-world/2024_q4/Article-056c2ee5663a391027.htm

Այս մասին հաղորդում է Իսրայելի 12-րդ հեռուստաալիքը:

Միևնույն ժամանակ, երբ ապստամբները վերահսկողություն են հաստատել Դամասկոսի վրա, Սիրիայում հաղորդվում է, որ Իսրայելը այս գիշեր հարձակվել էր մայրաքաղաքի մերձակայքում գտնվող Ալ-Կիսվա շրջանում գտնվող ռազմավարական  համալիրի վրա: Ըստ հաղորդագրության՝ դրանք, ըստ երեւույթին, քիմիական զենքի արտադրության լաբորատորիաներ են։ Ավելի վաղ հաղորդվել էր, որ Իսրայելի պաշտպանության բանակը խոցել է Լիբանանի ուղղությամբ երթևեկող Հեզբոլլահի մեքենաների շարասյունը։

Այսօր իսրայելի պաշտպանության բանակի մամլո ծառայությունից  հաղորդվել է նաև, որ Իսրայելում նախապատրաստական ​​և սահմանային պաշտպանության ուժեղացման շրջանակներում Իսրայելի պաշտպանության բանակը հատել է Սիրիայի սահմանը և նոր դիրքեր է գրավել ապառազմականացված գոտում: Հրեական հրետանային կրակ է բացում սահմանամերձ տարածքների վրա՝ թույլ չտալու համար թշնամական տարրերին մոտենալ սահմանին, և գրոհել զենքի պահեստները սիրիական Գոլանում՝ սիրիական բանակի հենակետերում, որպեսզի այն չանցնի ապստամբների ձեռքը:

Սիրիացի մի սպա «Reuters»-ին ասել է, որ սիրիական բանակի հրամանատարությունը պաշտոնապես տեղեկացրել է սպաներին Ասադի ռեժիմի տապալման մասին։« Reuters»-ում Ասադի փախուստի մասին հաղորդումից հետո Մարդու իրավունքների սիրիական կենտրոնը նույնպես հայտնել է, որ նա լքել է երկիրը։

Սոցցանցերում արդեն հրապարակվել են Դամասկոսում Ասադի պալատի ապստամբների և ընդդիմադիրների, Բաաս կուսակցության գրասենյակների, հեռուստատեսության և ռադիոյի շենքերի և կառավարության այլ խորհրդանիշների լուսանկարներն ու փաստաթղթերը։

«Սիրիական վարչակարգի վարչապետ Մուհամմադ ալ-Ջալալին հաստատել է ռեժիմի տապալումը»: Նրա հայտարարությունից հետո տեսագրություն  է, տարածվել ըստ որի ապստամբների զինված ուղղեկցությամբ  նա դուրս է գալիս Դամասկոսի իր տնից: Թուրքիայում սիրիական ընդդիմության առաջնորդը «Ալ Ջազիրա»-ին ասել է, որ իրենք կհանդիպեն արաբական և Եվրոպական երկրների ղեկավարների հետ, ՄԱԿ-ում հանդիպումներ կունենան ու կպայմանավորվեն  հաջորդ քայլի շուրջ։

Ապստամբների առաջնորդ Ահմեդ ալ-Շարան՝ ահաբեկչական «Հայաթ Թահրիր ալ-Շամ» ահաբեկչական կազմակերպության առաջնորդ Աբու Մուհամմադ ալ-Ջուլանին (իրական անունը) ասել է. «Ես բաձարձակապես արգելել եմ գրավել պետական ​​կառավարման հաստատությունները: Դրանք առայժմ կմնան Սիրիայի վարչապետի հսկողության տակ մինչև կառավարության փոխանցումը: Արգելվում է օդում ուրախ կրակոցներ արձակել։

Այն բանից հետո, երբ ապստամբները մտան Դամասկոս, նրանք գրավեցին մայրաքաղաքի խոշոր և կենտրոնական բանտերը՝ ազատելով հազարավոր բանտարկյալների։ Ասադի ահաբեկչության կառավարման տարիներին այս բանտերից մի քանիսը դարձան ճնշման և մահվան խորհրդանիշները, որոնք բնութագրում էին նրան, հատկապես վերջին տասնամյակում քաղաքացիական պատերազմի ժամանակ:

Իրանական հեղափոխության պահապանները և Հեզբոլլահը նույնպես փախել են երկրից

Ասադի հետ վերջին օրերին Սիրիայից փախել են նաև նրա մերձավոր շրջապատի ավագ անդամները։ Ըստ «Wall Street Journal»-ի հրապարակման՝ Ասադի համախոհները փախել են Արաբական Միացյալ Էմիրություններ, Եգիպտոս և Ռուսաստան: «Մայրաքաղաքի ձայնը» ռադիոկայանի հաղորդման համաձայն, երկրից ընտանիքի անդամների հետ փախել է նաև Ասադի եղբայրը՝ հայտնի զինվորական Մահեր ալ-Ասադը։ «The Wall Street Journal»-ն այս շաբաթավերջին հայտնել է, որ Ասադի կինը և ընտանիքի անդամները նույնպես փախել են Ռուսաստան:

Ասադի բանակի լիակատար փլուզմանը զուգընթաց՝ Հեղափոխության պահապանները և Հեզբոլլահը նույնպես փախան երկրից։ Ըստ «New York Times»-ի հաղորդագրության՝ ուրբաթ օրվանից իրանական ռազմական ուժերը լքել են Դամասկոսը։ Հաղորդագրության համաձայն՝ շաբաթվա կեսի դրությամբ Իրանի կառավարությունը լիակատար խուճապի մեջ է Սիրիայում տեղի ունեցող իրադարձություններին և ապստամբների առաջխաղացմանը հետևելով։ Նաև երևում է, որ ապստամբները դիմել են Իրանին ուղղակիորեն՝ Ասադի թիկունքում, և կոչ են արել նրանց չմիջամտել ռազմական գործողություններին, և դրա դիմաց Իրանը պահանջել և ստացել է իրենց ժողովրդի անվտանգ անցումը Սիրիայից:

Ապստամբների ուժերը վերահսկողության տակ են վերցրել նաև Հոմս և նրան հարող Քոսեյրա քաղաքները։ Քոսեյրան Սիրիայից «Հեզբոլլահ» մաքսանենգության հիմնական առանցքներից է, և դրա անկումը շատ լուրջ հարված է լիբանանյան ահաբեկչական կազմակերպությանը, ըստ «Reuters»-ի հաղորդագրության, Իսրայելը այս գիշեր հարձակվել է «Հեզբոլլահի» ահաբեկիչների զրահամեքենաների վրա, որոնք  փորձում էին փախչել Լիբանան:

Աղբյուրը՝ N12 – מהפכה בסוריה: המורדים השתלטו על דמשק; אסד נמלט (mako.co.il)