Արդեն ավելի քան 18 տարի ավանդաբար դեկտեմբիրի 7 – ին Թել Ավիվ- Յաֆոյի Սուրբ Նիկողայոս հայկական վանքում հայերը հավաքվում են իրենց հարգանքի տուրքը մատուցելու Սպիտակի երկրաշարժի անմեղ զոհերի հիշատակին: Վանքում ժամը 18:00 –ին տեղի ունեցավ եկեղեցական արարողություն, որն իրականացվեց երկրի կենտրոնի հոգևոր հովիվ հայր Գևորգ աբեղա Հայրապետյանի գլխավորությամբ: Արարողությանը ներկա էր նաև Երուսաղեմի հայոց պատրիարքարանի դիվանապետ հայր Կորյուն վարդապետ Բաղդասարյանը:
Եկեղեցական արարողությանը հաջորդեց «Նաիրի» միության կազմակերպած հուշ երեկոն, որի ժամանակ ցուցադրվեց «20 – ամյա ռեքվիեմ» փաստավավերագրական ֆիլմն, որը նկարահանվել էր երկրաշարժի 20 – ամյակի նախօրեին «Նաիրի» միության և Գյումրիի մամո ակումբի նախաձեռնությամբ: Ֆիլմի պատրաստման ժամանակ օգտագործվել էր նաև Հայաստանի ու Իսրայելի կոմպոզիտորների միության անդամ, կոմպոզիտոր Նուբար Ասլանյանի թիվ երրորդ լարային քառյակից հատված՝ նվիրված Սպիտակի երկրաշարժի զոհերի հիշատակին և Էդվարդ Միրզոյանին:
Ֆիլմից հետո ցուցադրվեց նաև «Ազատություն» ռադիոկայանի թղթակից Սաթենիկ Կաղզվանցյանի պատրաստած տեսանյութը Արցախյան պատերազմի նախօրեին՝ Աղետի գուտում 7219 անօթևան ընտանիքների առկայության վերաբերյալ:
