«Ամրոց» ազգային զարգացման հիմնադրամի հետ համագործակցության մեր հիմնական նպատակն է նմանատիպ ծրագրերի լուսաբանումը և նախագծերի տեղեկատվական աջակցությունն ու նաև Իսրայելահայերին տարբեր հետաքրքիր ծրագրերում ընդգրկելը:
Բազմաթիվ ծրագրեր է հիմնադրամն իրականացնում այդ թվում նաև զբաղվում է պատմական կրճամետրաժ փաստագրական ֆիլմերի արտադրությամբ:
«Ամրոց» ազգային զարգացման հիմնադրամը ներկայացնում է «Նեմեսիս» գործողությանը նվիրված 10-մասանոց ֆիլմաշար, որը պատմում է գործողության պլանավորման, իրագործման և պատմական նշանակության մասին։ «Նեմեսիս» գործողությունը նպատակ ուներ պատժելու Հայոց ցեղասպանությունը կազմակերպած երիտթուրք առաջնորդներին, ինչպես նաև թուրքերի հետ համագործակցած հայ դավաճաններին։ Տեսահոլովակների շարքի նպատակն է ներկայացնել հայոց պատմության այն դրվագները, որոնք պսակվել են հաջողությամբ, ի շնորհիվ ազգի ցուցաբերած պայքարելու պատրաստակամության, անկոտրում կամքին, խելամիտ ռազմավարության ու համատեղ գործելուն: «Ամրոց» հիմնադրամը չորս՝ լեզու, հայրենիք, արժեքներ և հավատք սյուների վրա հիմնված կառույց է, որն իրագործում և սատարում է հայ ազգի ազատ արարմանն ու հարատևմանն ուղղված գաղափարներ։
