Համահայկական VIII ամառային խաղերը կմեկնարկեն այս տարի Օգոստոսի 5 – ին Գյումրիում և կավարտվեն օգոստոսի 19 – ին Երևանում:
Իսրայելի հայկական համայնքը տարիներ շարունակ մասնակցել է համահայկական գրեթե բոլոր խաղերին ու տարբեր գավաթներ բերել Իսրայել:
Ավանդաբար մեր համայնքը ներկայանում է համահայկական սպորտային այդ միջոցառմանը ոչ թե Իսրայելի կամ Պաղեստիի դրոշով, այլև Երուսաղեմի Հայոց պատրիարքարանի դրոշով ու մեր եռագույնով:
«Իսրայելահայեր» – թերթը լինելով միակ հայերեն լեզվով լրատվամիջոցը Իսրայելում հավատարիմ մնալով իր սկզբունքներին աջակցելու է Համահայկական խաղերի աշխատանքային կազմին ու ցուցաբերելու է ինչպես միշտ տեղեկատվական աջակցություն:
Երեկ հեռախոսազրույց տեղի ունեցավ Մերձավոր Արևելքի երկրների աշխատանքները համակարգող մասնագետ Վազգեն Հովհաննիսյանի հետ:
Պետախ Տիկվայի իսրայելահայերի «Նաիրի» միությունն ևս վերցրել է հանձնառություն աջակցելու հայանպաստ այս ձեռնարկին:
Ինչպե՞ս դառնալ համահայկական խաղերի մասնակից
- Նախ պետք է լրացնել համապատասխան հայտը, որը տեղադրված է panarmeniangames.am համահայկական խաղերի կայք էջում։
- Կապ հաստատել երկրները համակարգող մասնագետի կամ համապատասխան երկրի գործկոմի անդամի հետ։
- Հայաստանում, հենց օդանավակայանում քեզ կդիմավորի համահայկականի աշխատակիցը և կամավորը, ովքեր խաղերի ողջ ընթացքում կլինեն քո և քո թիմի հետ։
Կոմիտեն ապահովում է տրանսպորտային միջոցներով՝
- Օդանավակայանից՝ կեցության վայր։
- Կեցության վայրից մարզադահլիճներ և հակառակը։
- Ընտրված ուղղություններով դեպի տեսարժան վայրեր։
- Բացման և փակման արարողությունների վայրեր, այնտեղից կեցության վայր։
ՀԱՅՏԵՐ
ՀԵՏԱԴԱՐՁ ՈՒՂԻ ԿԱՊ ՀԱՄԱՀԱՅԿԱԿԱՆ ԽԱՂԵՐԻ ՀԱՄԱՇԽԱՐՀԱՅԻՆ ԿՈՄԻՏԵԻ ՀԵՏ՝
ՎԱԶԳԵՆ ՀՈՎՀԱՆՆԻՍՅԱՆ
ՄԵՐՁԱՎՈՐ ԱՐԵՎԵԼՔԻ ԵՐԿՐՆԵՐԻ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԱՍՆԱԳԵՏ
Email: vazghov@mail.ru
Հեռախոս՝ +374 93 199 919
|
Լիբանան
|
Սիրիա
|
|
Իսրայել
|
Ավստրալիա
|
|
Հորդանան
|
Եգիպտոս
|
|
Սինգապուր
|
Համահայկական ամառային խաղերի կանոնակարգ
- Հիմնական դրույթներ
Համահայկական ամառային խաղերի (այսուհետ` խաղեր) սույն կանոնակարգը մանրամասնում է խաղերի անցկացմանը վերաբերող դրույթները: Այն ընդգրկում է խաղերի ծրագիրը, մրցումների կանոնները, խաղերին մասնակցելու համար հավատարմագրման դիմումների ներկայացման կարգն ու ժամկետները, խաղերի հանդիսավոր բացման և փակման արարողությունները, խաղերի խորհրդանիշի օգտագործման իրավունքին և գովազդին վերաբերող դրույթներ, ինչպես նաև այլ մեկնաբանություններ:
- Խաղերի մասնակիցները
- Խաղերին մասնակցում են քաղաքների հավաքական թիմերը և անհատ մարզիկները:
- Հայկական ազգային անձնագրեր ունեցող բոլոր քաղաքացիները կարող են մասնակցել խաղերին:
- Ցանկացած երկրի քաղաքացի կարող է մասնակցել խաղերին, եթե նա`
- հայկական ծագում ունի հոր և մոր կողմից
- հայկական ծագում ունի միայն հոր կողմից
- հայկական ծագում ունի միայն մոր կողմից
- ամուսնությունից հետո վերցրել է հայ ամուսնու ազգանունը
Քաղաքների մարզական պատվիրակությունների ղեկավարները պատասխանատու են վերոթվարկյալ կանոնների կատարման համար:
- Քաղաքի մարզական պատվիրակության կազմում մարզիկին ընդգրկելու հիմնավորումը ապացուցելու համար մասնակիցը պետք է իր հետ ունենա ազգային անձնագիր կամ այն երկրում մշտական բնակության թույլտվություն (օրինակ` այսպես կոչված «Green Card»), որտեղ գտնվում է խաղերին մասնակցելու ցանկություն հայտնած քաղաքը:
Ծանոթություն. Վերը նշված դրույթները չեն տարածվում մարզիչների և մրցավարների վրա:
- Տարիքային սահմանափակումներ
- Խաղերի մասնակիցների համար չկան տարիքային սահմանափակումներ, բացառությամբ այն դեպքերի, երբ դա նախատեսված է մարզաձևերի Միջազգային ֆեդերացիաների կանոններով:
- Բժշկական ապահովագրություն
- Խաղերին յուրաքանչյուր մարզիկ մասնակցում է սեփական պատասխանատվության, ռիսկի և վտանգի գիտակցությամբ:
- Խաղերի մասնակիցները պարտավոր են իրենց հետ ունենալ ապահովագրության վկայական խաղերի ողջ ժամանակահատվածի համար:
- Հավատարմագրման դիմումների ընդունման կարգն ու ժամկետները
- Խաղերի մասնակցության նախնական հայտերն անհրաժեշտ է ներկայացնել Համահայակական խաղերի համաշխարհային կոմիտեի քարտուղարություն մինչև խաղերի անցկացման տարվա հունվարի 31-ը` նշելով մարզաձևերը, մրցաձևերը (առանձին կանայք և տղամարդիկ) և մասնակիցների թիվը:
- Խաղերին մասնակցելու վերջնական անվանական հավատարմագրման դիմումներն անհրաժեշտ է ներկայացնել մինչև խաղերի անցկացման տարվա ապրիլի 30-ը: Հավատարմագրման դիմումները կհամարվեն անվավեր, եթե ներկայացվեն նշված ժամկետից հետո:
- Բացառությունները կարող են քննարկվել և ընդունվել միայն ՀԽՀԿ-ի գործկոմի կողմից:
- Մասնակցության իրավունքը
Խաղերին մասնակցելու իրավունք ստացած քաղաքի պատվիրակության յուրաքանչյուր անդամ ստանում է մասնակցի անցագիր (badge):
- Խաղերի ծրագիրը և մրցումների կանոնները
- Համահայկական խաղերի ծրագրում ընդգրկված են 17 մարզաձևեր` աթլետիկա, բադմինթոն, բազկամարտ, բասկետբոլ, գոլֆ, թենիս, լող, ծովափնյա վոլեյբոլ, հանդբոլ, հեծանվասպորտ, հրաձգություն, մինի ֆուտբոլ, շախմատ, սեղանի թենիս, սպորտային պարեր, վոլեյբոլ, ֆուտբոլ:
- Սեղանի թենիսի մրցումներն անհատական և թիմային մրցումներ են:
- Աթլետիկայի, բադմինթոնի, բազկամարտի, գոլֆի, թենիսի, լողի, հեծանվասպորտի, հրաձգության, շախմատի և սպորտային պարերի մրցումներն անհատական մրցումներ են:
- Մրցումներն անցկացվում են համապատասխան մարզաձևի Միջազգային Ֆեդերացիայի կանոններով` ներառյալ այն լրացումները, որոնք կատարվել են ՀԽՀԿ-ի գործկոմի կողմից:
- Թիմերի կազմը և մասնակիցների թիվը
- Աթլետիկա (կանայք և տղամարդիկ):
Ծրագրում ընդգրկված են 27 մրցաձև` 13 կանանց և 14 տղամարդկանց:
Կանայք` վազք – 100մ, 200մ, 400մ, 800մ և 1500մ, փոխանցումավազք – 4 x 100մ և 4 x 400մ, եռացատկ, բարձրացատկ, հեռացատկ, սկավառակի նետում, նիզակի նետում, գնդի հրում:
Տղամարդիկ` վազք 100մ, 200մ, 400մ, 800մ, 1500մ և 5000մ, փոխանցումավազք – 4 x 100մ և 4 x 400մ, եռացատկ, բարձրացատկ, հեռացատկ, սկավառակի նետում, նիզակի նետում, գնդի հրում:
Հաշվանցումը կատարվում է ըստ յուրաքանչյուր քաղաքից երկուական լավագույն արդյունքներ ցույց տված մարզիկների:
- Բադմինթոն (կանայք և տղամարդիկ):
Ծրագրում ընդգրկված են 2 անհատական մրցումներ և 2 զուգամրցումներ կանանց և տղամարդկանց միջև:
Հիմնական ցանցում (կանայք) ընդգրկվում են 32 մարզուհի (Հայաստանի քաղաքներից ոչ ավելի, քան 8 մարզուհի) և տղամարդիկ 64 մարզիկներ (Հայաստանի քաղաքներից ոչ ավելի, քան 16 մարզիկ):
Զուգախաղերի ցանցում կընդգրկվեն տղամարդկանց և կանանց 16-ական զույգեր:
- Բազկամարտ (կանայք և տղամարդիկ):
Անց են կացվում կանանց և տղամարդկանց անհատական մրցումներ:
Տղամարդիկ `3 քաշային կարգ աջ և ձախ ձեռքերով մինչև 70 կգ, 90 կգ և +90 կգ
Կանայք` 2 քաշային կարգ աջ և ձախ ձեռքերով մինչև 70 կգ և +70 կգ
- Բասկետբոլ (կանայք և տղամարդիկ):
Թիմի կազմը` 15 մասնակից, այդ թվում 12 մարզիկ և 3 պատասխանատու անձ:
- Գոլֆ (կանայք և տղամարդիկ):
Անց են կացվում կանանց և տղամարդկանց անհատական մրցումներ:
- Թենիս (կանայք և տղամարդիկ):
Անց են կացվում կանանց և տղամարդկանց մենախաղեր և զուգախաղեր:
Հիմնական ցանցում ընդգրկվում են 64 մարզիկներ (Հայաստանի քաղաքներից ոչ ավելի, քան 16 մարզիկ) և 32 մարզուհի (Հայաստանի քաղաքներից ոչ ավելի, քան 8 մարզուհի):
Զուգախաղերի ցանցում ընդգրկվում են 16-ական լավագույն տղամարդկանց և կանանց զույգեր:
- Լող (կանայք և տղամարդիկ):
Ծրագրում ընդգրկված են 24 մրցաձև` 12 կանանց և 12 տղամարդկանց:
Կանայք`ազատ ոճ – 50մ և 100մ, բրաս – 50մ և 100մ, փոխանցումալող ազատ ոճով – 4 x 50մ և 4 x 100մ, փոխանցումալող համակցված – 4 x 100մ, բատերֆլայ – 50մ և 100մ, թիկնալող – 50մ և 100մ, համալիր – 200 մ
Տղամարդիկ` ազատ ոճ – 50մ և 100մ, բրաս – 50մ և 100մ, փոխանցումալող ազատ ոճով – 4 x 50մ և 4 x 100մ, փոխանցումալող համակցված – 4 x 100մ, բատերֆլայ – 50մ և 100մ, թիկնալող – 50մ և 100մ, համալիր – 200 մ
Հաշվաանցումը կատարվում է ըստ յուրաքանչյուր քաղաքի երկուական լավագույն արդյունքների ցույց տված մարզիկների:
- Ծովափնյա վոլեյբոլ (կանայք և տղամարդիկ)
Թիմի կազմը` 3 մասնակից, այդ թվում 2 մարզիկ և 1 պատասխանատու անձ:
- Հանդբոլ (տղամարդիկ)
Թիմի կազմը` 16 մասնակից` այդ թվում 14 մարզիկ և 2 պատասխանատու անձ
- Հեծանվասպորտ (կանայք և տղամարդիկ):
Անց են կացվում կանանց և տղամարդկանց անհատական և խմբակային մրցումներ.
Անհատական` 15 կմ (Ակնալիճ)
Խմբակային` 45 կմ (10 շրջան` 4 կմ-ով)
- Հրաձգություն (կանայք և տղամարդիկ):
Անց են կացվում կանանց և տղամարդկանց անհատական մրցումներ:
Կանայք` ատրճանակ – 10 մ (40 կրակոց), հրացան – 10 մ (40 կրակոց)
Տղամարդիկ` ատրճանակ – 10 մ (60 կրակոց), հրացան – 10 մ (60 կրակոց)
Հայաստանից մասնակիցների քանակական կազմը սահմանվում է մարզաձևի ազգային ֆեդերացիայի կողմից` այն համաձայնեցնելով ՀԽՀԿ-ի գործկոմի հետ:
- Մինի-ֆուտբոլ
Թիմի կազմը` 15 մասնակից, այդ թվում 12 մարզիկ և 3 պատասխանատու անձ:[1]
- Շախմատ (կանայք և տղամարդիկ):
Անց են կացվում կանանց և տղամարդկանց անհատական մրցումներ:
Մրցումների մասնակիցները պետք է ունենան մինչև 2300 միավորը չգերազանցող արհեստավարժի վարկանիշ:
Մրցումներն անցկացվում են շվեյցարական համակարգով:
- Սեղանի թենիս (կանայք և տղամարդիկ):
Անց են կացվում կանանց և տղամարդկանց թիմային մրցումներ, մենախաղեր և զուգախաղեր:
Թիմային մրցումներին (յուրաքանչյուրում 3-ական մարզիկ և մարզուհի) թույլատրվում են մասնակցելու ոչ ավելի, քան 16 թիմեր:
Հիմնական ցանցում ընդգրկվում են 64 մարզիկներ և մարզուհիներ (Հայաստանի քաղաքներից ոչ ավելի, քան 16 մարզիկ և մարզուհի):
Զուգախաղերի ցանկում կընդգրկվեն 16-ական լավագույն կանանց և տղամարդկանց զույգեր:
- Սպորտային պարեր (կանայք և տղամարդիկ):
Անց են կացվում կանանց և տղամարդկանց անհատական և զույգերով մրցումներ:
Մրցումների ծրագրում ընդգրկված են հետևյալ ձևերը.
եվրոպական 5 ձև` դանդաղ և արագ վալս, տանգո, արագ ֆոքստրոտ կամ քուիք ստեպ
լատինաամերիկյան 5 ձև` սամբա, ռումբա, չաչա, պասադոբլ, ջայֆ
- Վոլեյբոլ (կանայք և տղամարդիկ):
Թիմի կազմը` 15 մասնակից, այդ թվում 12 մարզիկ և 3 պատասխանատու անձ:
- Ֆուտբոլ (տղամարդիկ):
Թիմի կազմը` 21 մասնակից, այդ թվում 18 մարզիկ և 3 պատասխանատու անձ:
Նախնական և քառորդ եզրափակիչ խաղերն անցկացվում են 2 խաղակես x 35 րոպե տևողությամբ, կիսաեզրափակիչ խաղերը` 2 խաղակես x 40 րոպե տևողությամբ, իսկ եզրափակիչ խաղն անցկացվում է 2 խաղակես x 45 րոպե տևողությամբ:
Խաղի ընթացքում թույլատրվում է կատարել 6 փոփոխություն:[2]
- Խաղարկվող մեդալների քանակը
| Մարզաձևը | Ոսկե | Արծաթե | Բրոնզե |
| Աթլետիկա (կն.) | 13 | 13 | 13 |
| Աթլետիկա (տղ.) | 14 | 14 | 14 |
| Բադմինթոն (կն.) | 2 | 2 | 2 |
| Բադմինթոն (տղ.) | 2 | 2 | 2 |
| Բազկամարտ (կն.) | 4 | 4 | 4 |
| Բազկամարտ (տղ.) | 6 | 6 | 6 |
| Բասկետբոլ (կն.) | 1 | 1 | 1 |
| Բասկետբոլ (տղ.) | 1 | 1 | 1 |
| Գոլֆ (կն.) | 1 | 1 | 1 |
| Գոլֆ (տղ.) | 1 | 1 | 1 |
| Թենիս (կն.) | 2 | 2 | 2 |
| Թենիս (տղ.) | 2 | 2 | 2 |
| Լող (կն.) | 12 | 12 | 12 |
| Լող (տղ.) | 12 | 12 | 12 |
| Ծովափնյա վոլեյբոլ (կն.) | 1 | 1 | 1 |
| Ծովափնյա վոլեյբոլ (տղ.) | 1 | 1 | 1 |
| Հանդբոլ (տղ.) | 1 | 1 | 1 |
| Հեծանվասպորտ (կն.) | 2 | 2 | 2 |
| Հեծանվասպորտ (տղ.) | 2 | 2 | 2 |
| Հրաձգություն (կն.) | 2 | 2 | 2 |
| Հրաձգություն (տղ.) | 2 | 2 | 2 |
| Մինի-ֆուտբոլ | 1 | 1 | 1 |
| Շախմատ (կն.) | 1 | 1 | 1 |
| Շախմատ (տղ.) | 1 | 1 | 1 |
| Սեղանի թենիս (կն.) | 3 | 3 | 3 |
| Սեղանի թենիս (տղ.) | 3 | 3 | 3 |
| Սպորտային պարեր | 9 | 9 | 9 |
| Վոլեյբոլ (կն.) | 1 | 1 | 1 |
| Վոլեյբոլ (տղ.) | 1 | 1 | 1 |
| Ֆուտբոլ | 1 | 1 | 1 |
| Ընդամենը | 105 | 105 | 105 |
- Խաղերի հանդիսավոր բացման արարողությունը
- Մասնակից քաղաքների պատվիրակություններն անցնում են համապատասխան քաղաքի անվանմամբ ցուցանակի (հայերեն և անգլերեն լեզուներով) և քաղաքի դրոշի հետևից:
Շքերթի մասնակիցներին թույլ չի տրվում տանել երկրի ազգային դրոշը` քաղաքի դրոշի փոխարեն կամ դրա հետ միաժամանակ: Մարզիկների ձեռքերին կարող են լինել փոքրիկ ազգային դրոշակներ, որոնց չափսը չպետք է գերազանցի 20 սմ:
- Մասնակիցների մարզազգեստների վրա կարող են տեղադրվել քաղաքի, Համահայկական խաղերի և հովանավորների խորհրդանիշները:
- Սփյուռքի մարզիկը` բոլոր մարզիկների և Հայաստանից` մրցավարը բոլոր մրցավարների անունից` բարձրացնելով աջ ձեռքը երդվում են.
«Բոլոր մասնակիցների անունից երդվում եմ, որ Համահայկական խաղերին կմասնակցենք` հարգելով և ենթարկվելով գործող մարզական կանոններին, համաձայն մարզական ոգու, հանուն սպորտի պատվի, մասնակից քաղաքների, հայ ժողովրդի և մեր հայրենիքի` Մայր Հայաստանի փառքի»:
«Բոլոր մրցավարների անունից երդվում եմ այս խաղերը դատել լիովին անկողմնակալ` հարգելով և ենթարկվելով գործող մարզական կանոններին, համաձայն մարզական ոգու, հանուն սպորտի պատվի, մասնակից քաղաքների, հայ ժողովրդի և մեր հայրենիքի` Մայր Հայաստանի փառքի»:
Երդում տվող մարզիկին և մրցավարին ընտրում է ՀԽՀԿ-ի գործկոմը:
- Խաղերի մրցանակակիրների պարգևատրման արարողակարգը
- Ըստ մարզաձևերի մրցանակակիրների պարգևատրման արարողությունը տեղի է ունենում մրցումների ավարտից անմիջապես հետո: Մրցանակակիրները պարգևատրվում են համապատասխան մեդալներով և դիպլոմներով, կին մրցանակակիրներին հանձնվում են նաև ծաղիկներ:
4-7 տեղեր գրաված թիմերը և անհատ մարզիկները պարգևատրվում են դիպլոմներով: Խաղերին մասնակցած մարզական պատվիրակությունների բոլոր անդամներին հանձնվում է հավաստագրեր:
- Ստորև ներկայացվում է մեդալների քանակը, որոնցով պարգևատրվում են խաղերի հաղթողները և մրցանակակիրները` հաշվի առնելով թիմերի անդամների քանակը տարբեր մարզաձևերում:
| Մարզաձևը | Ոսկե | Արծաթե | Բրոնզե |
| Աթլետիկա (կն.) | 19 | 19 | 19 |
| Աթլետիկա (տղ.) | 20 | 20 | 20 |
| Բադմինթոն (կն.) | 3 | 3 | 3 |
| Բադմինթոն (տղ.) | 3 | 3 | 3 |
| Բազկամարտ (կն.) | 4 | 4 | 4 |
| Բազկամարտ (տղ.) | 6 | 6 | 6 |
| Բասկետբոլ (կն.) | 15 | 15 | 15 |
| Բասկետբոլ (տղ.) | 15 | 15 | 15 |
| Գոլֆ (կն.) | 1 | 1 | 1 |
| Գոլֆ (տղ.) | 1 | 1 | 1 |
| Թենիս (կն.) | 3 | 3 | 3 |
| Թենիս (տղ.) | 3 | 3 | 3 |
| Լող (կն.) | 21 | 21 | 21 |
| Լող (տղ.) | 21 | 21 | 21 |
| Ծովափնյա վոլեյբոլ (կն.) | 3 | 3 | 3 |
| Ծովափնյա վոլեյբոլ (տղ.) | 3 | 3 | 3 |
| Հանդբոլ (տղ.) | 16 | 16 | 16 |
| Հեծանվասպորտ (կն.) | 2 | 2 | 2 |
| Հեծանվասպորտ (տղ.) | 2 | 2 | 2 |
| Հրաձգություն (կն.) | 2 | 2 | 2 |
| Հրաձգություն (տղ.) | 2 | 2 | 2 |
| Մինի-ֆուտբոլ | 15 | 15 | 15 |
| Շախմատ (կն.) | 1 | 1 | 1 |
| Շախմատ (տղ.) | 1 | 1 | 1 |
| Սեղանի թենիս (կն.) | 6 | 6 | 6 |
| Սեղանի թենիս (տղ.) | 6 | 6 | 6 |
| Սպորտային պարեր | 15 | 15 | 15 |
| Վոլեյբոլ (կն.) | 15 | 15 | 15 |
| Վոլեյբոլ (տղ.) | 15 | 15 | 15 |
| Ֆուտբոլ | 21 | 21 | 21 |
| Ընդամենը | 260 | 260 | 260 |
- Գավաթակիրներ
Համահայկական խաղերի գավաթներով պարգևատրվում են ֆուտբոլում, մինի-ֆուտբոլում, հանդբոլում, բասկետբոլում, վոլեյբոլում, ծովափնյա վոլեյբոլում և սեղանի թենիսում, ինչպես նաև փոխանցումավազքի և փոխանցումալողի (կանայք և տղամարդիկ, բացառությամբ առաջին երեք մարզաձևերը) հաղթող թիմերը:
Հատուկ գավաթներով պարգևատրվում են «Լավագույն պատվիրակության համար», «Արդարացի խաղի համար», «Մարզական ոգու և համբերության համար», «Համահայկական խաղերի հայտնություն», ինչպես նաև «Համահայկական խաղերի գեղեցկուհի» մրցույթների դափնեկիրները:
[1] Այն մարզիկներն, որոնք ունեն արհեստավարժի լիցենզիա, չի թույլատրվում մասնակցել խաղերի ֆուտբոլի մրցաշարին: Բացառություն են կազմում այն արհեստավարժ մարզիկները, որոնց տարիքը 46 և ավելի է:
[2] Այն մարզիկներն, որոնք ունեն արհեստավարժի լիցենզիա, չի թույլատրվում մասնակցել խաղերի ֆուտբոլի մրցաշարին: Բացառություն են կազմում այն արհեստավարժ մարզիկները, որոնց տարիքը 36 և ավելի է:
