Մարտի 13-ին տեղի ունեցավ Երևանի պետական համալսարանի միջազգային հարաբերությունների ֆակուլտետի ուսանողական խորհրդի Արտաքին կապերի հանձնաժողովի կողմից կազմակերպված վեբինար, որը նվիրված էր «ՀՀ – Իսրայել հարաբերություններ.մեր օրեր» թեմային։
Հանդիպումը վարում էին «Ազատություն» ռադիոկայանի Մերձավոր Արևելքի թղթակից, Իսրայելում գործող «Իսրայելահայեր» թերթի գլխավոր խմբագիր ու տնօրեն, Ռաուլ Վալլենբերգի անվան միջազգային հիմնադրամի հայկական ծրագրերի տնօրեն Արտյոմ Չերնամորյանը և ԵՊՀ շրջանավարտ, Իսրայելի գծով հետազոտող՝ Ռեբեկկա Հովհաննիսյանը և Հայաստանի հրեական համայնքի ղեկավար տիկին Ռիմմա Վարժապետյանը :
Ներկա էին նաև Իսրայելում հայկական համայնքի ներկայացուցիչներ:
Այս հետաքրքիր և բովանդակալից հանդիպումն ամփոփվեց ակտիվ հարց ու պատասխանով, որի ընթացքում մասնակիցները բարձրացրին մի շարք հարցեր և ստացան հանգամանալից պատասխաններ։
