Բանաստեղծուհի և երգչուհի Լաուրա Լիլիթ Վարդանյանին առաջին անգամ «Իսրայելահայեր» պարբերականն իր ընթերցողին ներկայացրեց ուղիղ 2 տարի առաջ՝ պատմելով իր նոր տեսահոլովակի շնորհանդեսի մասին, որը տեղի ունեցավ 2022 թվականի հունվարի 16 – ին ու արդեն երկու շաբաթվա ընթացքում այն ուներ ավելի քան 1 մլն. 127 հազար դիտում, որն իրոք նոր տեսահոլովակի համար բացառիկ ձեռքբերում էր այն դեպքում երբ երգչուհին առաջին անգամն էր լայն մշակույթասեր հասարակությանը ներկայանում իր համատեղ ստեղծագործությամբ: 2021 թվականի ձմռանը պրոդյուսորներ Նիվ Շտուբին և Շառոն Լևին ծանոթանալով Լաուրա Լիլիթ Վարդանյանի ֆեյսբուքյան էջին տեղադրված ստեղծագործությունների հետ առաջարկել էին մասնակցել իրենց պրոդյուսերական խմբի կազմակերպած միջազգային փառատոնին, որին ներկայացրած տարբեր լեզուներով 5 հաղթած ստեղծագործություններից մեկը ճանաչվելու էր հաղթող ու պետք է տեսահոլովակ նկարահանվեր ու տեղադրվեր սոցիալական ցանցերում: 5 տարբեր լեզվով ներկայացված ստեղծագործություններից լավագույնը ճանաչվեց հայ երգչուհու մշակած «Բինգյոլի» երգն, որի հիման վրա նկարահանվեց համանուն տեսահոլովակը հրեա երգիչ Վիտալի Բարաշի գլխավորությամբ:
Նույն թվականի հունվարի 29 – էլ հանդիսավորությամբ տեղի ունեցավ երգի շնորհանդեսն Իսրայելում: Այն կրկին շատ ջերմ ընդունվեց հրեա երաժշտագետների կողմից:
2023 թվականը նույնպես բեղմնավոր և ստեղծագործական տարի էր մեր երգչուհու համար։ Նա գրել էր նոր երգ, որը պատմում է օտարության մեջ ապրող հայի հոգեվիճակի մասին ։ Երգը կոչվում է «Վերադարձ» և սիրով ցուցադրվեց տարբեր երաժտական հարթակներում և հայկական «21TV» հեռուստատեսությամբ։
Տեսահոլովակը նկարահանվել էր Երուսաղեմում և Տել Ավիվում, իսկ երգչուհու հետ նկարահանվել են նաև Երուսաղեմի Թարգմանչաց վարժարանի մանչուկները։ Նրա գնահատմամաբ Սուրբ Հակոբյանց մայրավանքում և հայկական թաղամասում անմոռանալի նկարահանումներ տեղի ունեցան։
– Սիրել, կարոտել, հուսալ, որ մեկ օր կվերադառնանք, որ բոլոր օտարության մեջ ապրող հայերը կվերադառնան Հայրենի երկիր: Վախն ու երկյուղը մեզ ստիպում են միապաղաղ ապրել, հարմարվել կյանքի բոլոր անհարմարություններին և երազել: Ահա համաշխարհային հարթակն է, որտեղ կարելի է ծանոթանալ ստեղծագործող արվեստագետների, տաղանդավոր երգիչների և նկարիչների հետ։ Այստեղ ես կարողացա ներկայանալ որպես բանաստեղծ, արձակագիր և երգչուհի, – ասում է բանաստեղծուհին։
Շուտով լույս կտեսնի Լիլիթ Վարդանյանի երկրորդ գիրքն, որտեղ նա զետեղել է Հայրենիքի կարոտի և սիրո մասին «երգող» գեղեցիկ բանաստեղծություններ։
Մոտ մեկ ամսից մեկնարկելու նաև են իր նոր երգի տեսահոլովակի նկարահանումներն, որը նվիված է Արարատ լեռանը։
Խմբագրության կողմից՝
«Իսրայելահայերը» միակ հայկական ու հայալեզու հարթակն է Իսրայելում, որը հնարավորություն է ընձեռում մեր մշակույթային գործիչներին զետեղել իրենց բանաստեղծություններն ու ստեղծագործություններն, տեսահոլովակներն ու արվեստի բնագավառում նորություններն իհարկե թերթի ֆորմատով:
Մենք շարունակելու ենք մեր պարբերականի էջերում պատմել հայ արվեստագետների, բանաստեղծների, երգիչների ու հայտնի իսրայելահայերի մասին և տարիներ շարունակ տպագրել ենք ու շարունակելու ենք տպագրել նաև սկսնակ բանաստեղծների ստեղծագործությունները:
